Document 8 · Confirmation

29 September 1292

Kalisz (Kalisch)

Kodeks Dyplomatyczny Wielkopolski, vol. 2, no. 685

Duke Przemysł II of Poland confirms an exchange made five years before: Wojsław son of Gosław gives his estate of Niałek for the estates of Wrąbczyn ("Wroncino") and Bieganin of Wisław son of Gerlach. Kalisz, 29 September 1292. Kodeks Dyplomatyczny Wielkopolski II, no. 685, from the original.

hide scans glossary terms One line per manuscript line, with broken words hyphenated and stray break marks removed. Editorial decisions are set out in About the edition.

From the electronic text of a printed edition: there is no page image.

The whole entry of the printed edition, one paragraph to each numbered line.

Dokument Nr 685
Premisl secundus dux Polonie 1292 Sept. 29, in Kalis; ratam habet commutationem hereditatis Woislai filii Goslai, dictae Niałek, cum hereditatibus Wislai filii Gerlachonis, dictis Wrąbczyn et Bieganin, ante quinque annos factam.
Pergam. orygin. Na niciach jedwabn. czerwon. przywieszona pieczęć Przemysława księcia; (pieczęć XXVI).
Warszawa. Biblioteka prywatna, Diplomata. - Poznań, Königl. Staats Arch. Ląd, Lib. privil. B, Nr. 22.
In nomine Domini amen. Multis incommodis prudenter occurrimus, cum etatis nostre negocia litterarum ac testium munimine roboramus. Nos igitur Premisl secundus, Dei gracia dux Polonie, notum facimus universis tam presentis etatis hominibus quam future, quod in nostra nostrorumque baronum presencia constituti comes Wisslaus filius quondam Gerlochonis parte ex una, et Woysslaus filius Goslay parte ex altera, inter se talem super hereditatibus propriis celebravere commutacionem: quod prefatus Wisslaus, suscipiens hereditatem Woysslay supra nominati nominatam vulgariter Nalcho, duas hereditates proprias, Wroncino quam cum Pribislao filio Luthognevi commutaverat, et Beganino donavit et resignavit racione commutacionis, perpetuo iure hereditario possidendas. Nos vero considerantes huiusmodi commutaciones rite et racionabiliter celebratas, ipsas approbantes et ratificantes decrevimus, omni obstaculo postposito, perpetuo valituras. De plenitudine vero nostre potestatis predictas villas Wroncino et Beganino absolvimus et exemimus ab omni exactione Polonica, et facimus liberas quemadmodum ab antiquo fuerunt, videlicet a naraz, a povoz, a prevod, a stroza, a podvorove, a bove, a vacca, ab opole, a castri citacione. Et si inter incolas dictarum villarum homicidium fuerit perpetratum, predictus Woyslaus et sua posteritas penam percipient capitalem. Si vero homicidium fuerit inter incolam ipsius et extraneum, penam nichilominus homicidii percipiet post incolam per se (sic). Qui incole dictarum villarum non nisi coram nobis citabuntur, littera, nostro sigillo aut anulo, et ibidem de se conquerentibus tenebuntur respondere. In cuius rei testimonium, presentes Iasconem notarium nostrum conscribi iussimus, sigilli nostri munimine roborantes presentibus his testibus: comitibus Petrcone castellano Poznaniensi, Sblutone (sic) castellano de Nakel, Vito pincerna Gneznensi. Datum in Kalis in die beati Michaelis, cum ad expedicionem processimus in Syracz ad regem Bohemie, et tunc eadem permutacio est innovata et confirmata, que fuit acta et celebrata ante spacium quinque annorum. Anno gracie Domini M.CC. nonagesimo secundo.
Nalcho, Niałek. Wroncino, Wronczyn. Beganino, Bieganin. Nakel, Nakło. Syracz, Sieradz.

Dokument Nr 685

Premisl secundus dux Polonie 1292 Sept. 29, in Kalis; ratam habet commutationem hereditatis Woislai filii Goslai, dictae Niałek, cum hereditatibus Wislai filii Gerlachonis, dictis Wrąbczyn et Bieganin, ante quinque annos factam.

Pergam. orygin. Na niciach jedwabn. czerwon. przywieszona pieczęć Przemysława księcia; (pieczęć XXVI).

Warszawa. Biblioteka prywatna, Diplomata. - Poznań, Königl. Staats Arch. Ląd, Lib. privil. B, Nr. 22.

In nomine Domini amen. Multis incommodis prudenter occurrimus, cum etatis nostre negocia litterarum ac testium munimine roboramus. Nos igitur Premisl secundus, Dei gracia dux Polonie, notum facimus universis tam presentis etatis hominibus quam future, quod in nostra nostrorumque baronum presencia constituti comes Wisslaus filius quondam Gerlochonis parte ex una, et Woysslaus filius Goslay parte ex altera, inter se talem super hereditatibus propriis celebravere commutacionem: quod prefatus Wisslaus, suscipiens hereditatem Woysslay supra nominati nominatam vulgariter Nalcho, duas hereditates proprias, Wroncino quam cum Pribislao filio Luthognevi commutaverat, et Beganino donavit et resignavit racione commutacionis, perpetuo iure hereditario possidendas. Nos vero considerantes huiusmodi commutaciones rite et racionabiliter celebratas, ipsas approbantes et ratificantes decrevimus, omni obstaculo postposito, perpetuo valituras. De plenitudine vero nostre potestatis predictas villas Wroncino et Beganino absolvimus et exemimus ab omni exactione Polonica, et facimus liberas quemadmodum ab antiquo fuerunt, videlicet a naraz, a povoz, a prevod, a stroza, a podvorove, a bove, a vacca, ab opole, a castri citacione. Et si inter incolas dictarum villarum homicidium fuerit perpetratum, predictus Woyslaus et sua posteritas penam percipient capitalem. Si vero homicidium fuerit inter incolam ipsius et extraneum, penam nichilominus homicidii percipiet post incolam per se (sic). Qui incole dictarum villarum non nisi coram nobis citabuntur, littera, nostro sigillo aut anulo, et ibidem de se conquerentibus tenebuntur respondere. In cuius rei testimonium, presentes Iasconem notarium nostrum conscribi iussimus, sigilli nostri munimine roborantes presentibus his testibus: comitibus Petrcone castellano Poznaniensi, Sblutone (sic) castellano de Nakel, Vito pincerna Gneznensi. Datum in Kalis in die beati Michaelis, cum ad expedicionem processimus in Syracz ad regem Bohemie, et tunc eadem permutacio est innovata et confirmata, que fuit acta et celebrata ante spacium quinque annorum. Anno gracie Domini M.CC. nonagesimo secundo.

Nalcho, Niałek. Wroncino, Wronczyn. Beganino, Bieganin. Nakel, Nakło. Syracz, Sieradz.