Document 7 · Confirmation

21 October 1291

Gniezno

Kodeks Dyplomatyczny Wielkopolski, vol. 2, no. 678

Duke Przemysł II of Greater Poland confirms the exchange of the abbey of Ląd's estates of Głowiew, Sławsk and Chocicza for Kopojno, the estate of Count Sędziwój the under-chamberlain, and endows Kopojno with the widest liberties. Gniezno, 21 October 1291. Kodeks Dyplomatyczny Wielkopolski II, no. 678, from the original.

hide scans glossary terms One line per manuscript line, with broken words hyphenated and stray break marks removed. Editorial decisions are set out in About the edition.

From the electronic text of a printed edition: there is no page image.

The whole entry of the printed edition, one paragraph to each numbered line.

Dokument Nr 678
Secundus Premisl dux Maioris Polonie 1291 Oct. 21, in Gnezna; roborat commutationem hereditatum monasterii Ląd, vocatarum Głowiew, Sławsk et Chocicza, cum hereditate comitis Sendyvoii subcamerarii, dicta Kopojno, quam amplissimis munit privilegiis.
Pergam. orygin. Na grubym sznurze nici jedwabn., zielon. przywieszona pieczęć Przemysława księcia; (pieczęć XXVI).
Bibl. XX. Czartoryskich. Diplomata. - Rzyszczew. Muczkow. Cod. diplomatic. Poloniae I, Nr. 77; z innego oryginału, ma na końcu: Data per Iasconem notarium curie nostre anno Domini M.CC. nonagesimo primo in Gnezna, in die XI millium Virginum.
In nomine Domini amen. Quoniam humane memorie innata oblivio, actuum temporalium constituta dirigit in errorem que non fuerint litterali apice aut testium subscripcione firmiter roborata, nos secundus Premisl Dei gracia dux Maioris Polonie universis Christi fidelibus tam presentibus quam futuris volumus esse notum, quod venerabilis abbas dominus Gerhardus de Lenda et eius conventus cum dilecto subcamerario nostro comite Sendyvoio pro commodo domus sue commutacionem fecerunt nostro gracioso favore et consensu mediante, donantes ipsi tres hereditates, videlicet Glovevo, Slavsco et Chociczha pro hereditate dicta Copaino, quam idem Sendivoius pro suo patrimonio, scilicet Gorcino, a nobis commutatam possedit hereditarie liberam et exemptam ab omni iure Polonico quocunque nomine censeatur, filiis dicti Sendivoii, scilicet Iancone et Martino, ad quos spectabat ius hereditarium, dictam hereditatem coram nobis resignantibus et a iure hereditario cedentibus, abbate vero prefato cum suis fratribus prelibatam hereditatem Copayno intrantibus hereditarie possidendam. Nos autem affectum quem circa domum Lendensem semper habuimus augere cupientes, volumus sepedictam hereditatem cum incolis eiusdem, propriis seu liberis, exemptam fore et liberam, ut prius erat cum a dicto Sendyvoio possideretur, ab omni prevod, a povoz, a stroza, a dan, a naraz, a podvorove, a targove, a mostne, a castrorum edificio seu poncium quorumlibet, a recepcione seu custodia vel conductu castariorum (sic), castores enim domino abbati ac suis fratribus venandos perpetuo contulimus. Insuper a vicinia que opole vulgariter dicitur, a recepcione subvenatoris aut venatorum qualiumcunque, a custodia vel solucione herodiorum quod socol populariter nuncupatur, ab omni exactione seu collectione quod povolove dicitur, a vecturis et expedicionibus seu omnibus iuribus in Polonia constitutis, quibuscumque nominibus censeantur. Iudiciorum nichilominus omnium, ut est de contencione, percussione, membrorum mutilacione, seu eciam capitis perplexione, ut maiorem circa Deum in tremendo iudicio fiduciam habeamus, predictis fratribus per suum iudicem liberam auctoritatem contulimus exequendi, nulli castellanorum aut iudicum sive citandi sive iudicandi in ipsa hereditate ius aliquod reservantes. Et ut hoc factum nostrum in honorem Dei sancteque Marie semper virginis robur perpetue firmitatis obtineat, presentem paginam sigilli nostri munimine roboramus. Huius rei testes sunt: Philippus archidiaconus Gneznensis, Berwoldus castellanus Kalisiensis, Abraham thezaurarius Gneznensis. Acta sunt hec anno Domini MCC nonagesimo primo in Gnezna, in die Virginum Undecim milium.
Lenda, Ląd. Glovevo, Głowiew. Slavsco, Sławsk. Chociczha, Chocicza. Copaino, Kopojno. Gorcino, Górczyn.

Dokument Nr 678

Secundus Premisl dux Maioris Polonie 1291 Oct. 21, in Gnezna; roborat commutationem hereditatum monasterii Ląd, vocatarum Głowiew, Sławsk et Chocicza, cum hereditate comitis Sendyvoii subcamerarii, dicta Kopojno, quam amplissimis munit privilegiis.

Pergam. orygin. Na grubym sznurze nici jedwabn., zielon. przywieszona pieczęć Przemysława księcia; (pieczęć XXVI).

Bibl. XX. Czartoryskich. Diplomata. - Rzyszczew. Muczkow. Cod. diplomatic. Poloniae I, Nr. 77; z innego oryginału, ma na końcu: Data per Iasconem notarium curie nostre anno Domini M.CC. nonagesimo primo in Gnezna, in die XI millium Virginum.

In nomine Domini amen. Quoniam humane memorie innata oblivio, actuum temporalium constituta dirigit in errorem que non fuerint litterali apice aut testium subscripcione firmiter roborata, nos secundus Premisl Dei gracia dux Maioris Polonie universis Christi fidelibus tam presentibus quam futuris volumus esse notum, quod venerabilis abbas dominus Gerhardus de Lenda et eius conventus cum dilecto subcamerario nostro comite Sendyvoio pro commodo domus sue commutacionem fecerunt nostro gracioso favore et consensu mediante, donantes ipsi tres hereditates, videlicet Glovevo, Slavsco et Chociczha pro hereditate dicta Copaino, quam idem Sendivoius pro suo patrimonio, scilicet Gorcino, a nobis commutatam possedit hereditarie liberam et exemptam ab omni iure Polonico quocunque nomine censeatur, filiis dicti Sendivoii, scilicet Iancone et Martino, ad quos spectabat ius hereditarium, dictam hereditatem coram nobis resignantibus et a iure hereditario cedentibus, abbate vero prefato cum suis fratribus prelibatam hereditatem Copayno intrantibus hereditarie possidendam. Nos autem affectum quem circa domum Lendensem semper habuimus augere cupientes, volumus sepedictam hereditatem cum incolis eiusdem, propriis seu liberis, exemptam fore et liberam, ut prius erat cum a dicto Sendyvoio possideretur, ab omni prevod, a povoz, a stroza, a dan, a naraz, a podvorove, a targove, a mostne, a castrorum edificio seu poncium quorumlibet, a recepcione seu custodia vel conductu castariorum (sic), castores enim domino abbati ac suis fratribus venandos perpetuo contulimus. Insuper a vicinia que opole vulgariter dicitur, a recepcione subvenatoris aut venatorum qualiumcunque, a custodia vel solucione herodiorum quod socol populariter nuncupatur, ab omni exactione seu collectione quod povolove dicitur, a vecturis et expedicionibus seu omnibus iuribus in Polonia constitutis, quibuscumque nominibus censeantur. Iudiciorum nichilominus omnium, ut est de contencione, percussione, membrorum mutilacione, seu eciam capitis perplexione, ut maiorem circa Deum in tremendo iudicio fiduciam habeamus, predictis fratribus per suum iudicem liberam auctoritatem contulimus exequendi, nulli castellanorum aut iudicum sive citandi sive iudicandi in ipsa hereditate ius aliquod reservantes. Et ut hoc factum nostrum in honorem Dei sancteque Marie semper virginis robur perpetue firmitatis obtineat, presentem paginam sigilli nostri munimine roboramus. Huius rei testes sunt: Philippus archidiaconus Gneznensis, Berwoldus castellanus Kalisiensis, Abraham thezaurarius Gneznensis. Acta sunt hec anno Domini MCC nonagesimo primo in Gnezna, in die Virginum Undecim milium.

Lenda, Ląd. Glovevo, Głowiew. Slavsco, Sławsk. Chociczha, Chocicza. Copaino, Kopojno. Gorcino, Górczyn.