Traces in the Sand

Document 18 · Contract

3 June 1418

Ląd

Kodeks Dyplomatyczny Wielkopolski, vol. 5, no. 280

Abbot Zygfryd and the convent of Ląd exchange with the peasant Wawrzyniec Jeleniowicz their farm in Great Wrąbczyn, with the meadows Obroczna and Dokolowka, for his farm in Drzewce, and for his beehives in the forest between Great Wrąbczyn and Zagórów give him four gardeners; he pays a mark and a half in rent and guards the forest. Ląd, 3 June 1418. Kodeks Dyplomatyczny Wielkopolski V, no. 280. The editors' note puts Wronczyn in the district of Poznań, but the text places it beside Zagórów.

One line per manuscript line, with broken words hyphenated and stray break marks removed. Editorial decisions are set out in About the edition.

From the electronic text of a printed edition: there is no page image.

The whole entry of the printed edition, one paragraph to each numbered line.
  1. Dokument Nr 280
  2. 1418. die 3. mensis Iunii, in Ląd.
  3. Zyfridus abbas monasterii Landensis cum cmetone Laurentio Ieleniowicz allodium in Wronczyno Wielkie allodio in Drzewcza commutat.
  4. In nomine Domini amen. Ad perpetuam rei memoriam. Cum inter humane nature comoda nichil dignius memoria habeatur, oportunum existit, ut actus hominum litterarum apicibus et testium annotacione perhennentur, ne lapsu temporis euanescant. Proinde nos Zyfridus abbas totusque conuentus monasterii Landensis, ordinis Cysterciensis, significamus tenore presencium, quibus expedit, vniuersis, presentibus et futuris, presencium noticiam habituris, quomodo volentes bona monasterii nostri vtilitatum profectibus adaugere, fructusque et proventus ipsius tempore nostri regiminis in melioracionem deducere, et quia (inter) nos, conuentum ex vna, et prouidum Laurencium Yelenyouicz, kmethonem de Maiori Wronczino1) talem fecimus et condictauimus commutacionem perpetuam et irreuocabilem, taliter, quod eidem Laurencio Yelonouitz et suis posteris successoribus legitimis allodium nostrum in Magno Wronczino cum agris ad ipsum ex antiquo pertinentibus et cum hoc pratis ibidem consistentibus, dictis Obroczna et Dokolowka, pro alio allodio nostro in Drzewcza,2) quod ipse alias a fratre Heinrico bone memorie abbate, predecessore nostro pro certa pecunie quantitate, videlicet pro quindecim marcis monete currentis, quadraginta octo grossos in marcam quamlibet computando, comparauerat, dedimus, contulimus vera commutacione per nos cum eo rite et racionabiliter facta, damusque, conferimus, inscribimus et commutamus perpetue et in ewm. Cui eciam Laurencio et suis posteris racione mellificiorum suorum, que alias barcz dicuntur, inter hereditates nostras Magna Wronczino et Zagorowe consistencium, que in borra nostra habuit et possedit, ibidem in Magna Wronczino quatuor ortulanos, qui alias ad curiam nostram pertinebant, assignauimus et commutauimus per presentes. Qui quidem Laurencius et successores sui nobis conuentui et successoribus nostris pro censu vnam marcam cum media in tali moneta, prout alij sui vicini et homines nostri de allodio predicto in magna Wronczino super festo sancti Martini soluere tenebitur et debebit: adiungentes sibi eciam et suis posteris vnum obstaculum dictum yaz piscature libere in ryvulo alias strumyen inter hereditates Scrzinnicza et Costczol defluenti et consistenti. Insuper idem Laurencius et sui posteri decimam manipularem post omnes agros et araturas allodij predicti nulli alteri, nisi nobis et conuentui dare debent: eo eciam addito specialiter et expresso, quod Laurencius predictus et sui posteri nobis et conuentui seruicia quecumque ad mandata nostra exhibere et facere tenebuntur et debebunt, borramque nostram et siluas a dampnis et periculis cum auxilio nostro defensare, custodire et attemptare debebunt. Harum quibus sigillum nostrum et conuentus appensa sunt testimonio litterarum. Actum et datum in monasterio nostro Landa, feria sexta post octauas Corporis Christi, anno Domini M CCCC XVIII. Presentibus hijs dominis: venerabili Donyn Sedis apostolice prothonotario, decano Cracouiensi, regni Polonie vicecancellario, Dobcone Cobila etc.
  5. Z kolońskiego kopiarza przywileji lądzkich, fol. 35.
  6. 1)Wronczyn, wieś w pow. poznańskim.
  7. 2)Drzewce, któraby z licznych wsi tej nazwy była, osądzić nie umiem. W pow. poznańskim wsi tej nazwy nie ma.