Traces in the Sand

Document 4 · Confirmation

10 December 1261

Sechowa

Kodeks Dyplomatyczny Wielkopolski, vol. 1, no. 393

Duke Bolesław of Poland confirms to the abbey of Ląd the estates and liberties Duke Mieszko had given it at its foundation in 1145, and adds new ones. Among them are Szetlew with the cooks, Rzgów with the sanctuary people (Świątniki, in the editors' note), and Zagórów, Skokum and Oleśnica, given to the abbey by nobles of Poland; Kopojno marks a boundary. Sechowa, 10 December 1261. Kodeks Dyplomatyczny Wielkopolski I, no. 393, from the Liber privilegiorum B of Ląd.

One line per manuscript line, with broken words hyphenated and stray break marks removed. Editorial decisions are set out in About the edition.

From the electronic text of a printed edition: there is no page image.

The whole entry of the printed edition, one paragraph to each numbered line.
  1. Dokument Nr 393
  2. Bolezlavus dux Polonie 1261 Dec. 10, in Sechowa; confirmat collationes haereditatum et libertatum, monasterio de Ląd a Meschone duce Poloniae a. 1145 occasione fundationis ipsius factas, eisque pro sua parte novas adiicit.
  3. Poznań. Königl. Staats Archiv. Ląd, Lib. privil. B, Nr. 4. (cnfr. diploma Nr. 10, i Ryszczew. Muczkow. Codex diplom. Poloniae I, Nr. 1).
  4. In nomine sancte et individue Trinitatis amen. Quoniam factum omne modernorum haberi solet dubium quod non litterarum apicibus roboratur, ideo nos Bolezlavus dux Dei gracia Polonie mandavimus fratribus domus Landensis Ordinis Cisterciensium, ut nobis super fundacione eiusdem domus sua privilegia exhiberentur. Quibus cum qua diligencia decet examinatis, certo cercius comperimus in eisdem, quod proavus noster Mescho, magnus Dei gracia dux Polonie, premissa domo fundata anno Domini M.C.XL.V, pro sustentacione fratrum ibidem Deo famulancium, ad honorem Domini nostri Iesu Christi et gloriose genitricis eiusdem semper virginis Marie, erogavit predicte domui has hereditates cum hominibus simul et cum omnibus utilitatibus tam presentibus quam futuris: videlicet Koscol ubi concessit esse forum omni libertate plenum, Dolan, Moscho, Cloba, Gocszene. Istarum vero villarum homines tenentur singuli solvere in festo sancti Michaelis LX manipulos siliginis, modium avene, mensuram tritici, tres urnas brasei, quinque capecia annone metere, tria plaustra feni totidemque lignorum, duos truncos de pino; per tres continuos dies cum tota familia segetes purgare, per unum diem singuli triturare, tres kitas lini dare. Contulit et has subnotatas hereditates cum hominibus et omnibus utilitatibus tam presentibus quam futuris: Szethowo cum cocis, Rzgowo cum sanctuariis et stabulariis, Grabienice cum camerariis, Slavsko cum piscatoribus, Wiramowo, Kwaskowo, Chozen, Staralanka, Swiniarowo. Homines vero predictarum villarum tenentur rete trahere inter Seradz et Wladislav; per totam Poloniam, cum necessitas fratrum exegerit, tam equestres quam pedestres, mandata eorum dirigere. Indulsit eciam ut piscatores et venatores predictorum fratrum, piscatores et venatores suos ac posterorum suorum ubique piscando ac venando libere sequantur. Dedit eciam ad lumina acquirenda prefatis fratribus tria fora cum tabernis, videlicet Glev, Thur et Sobotka. Voluit eciam tabernarios predictarum villarum nusquam citari, nisi coram abbate. Quia vero donum Deo collatum legibus principum subiacere non debet, absolvit omnes homines in premissis villis commorantes a powoz, ab omni prewod, a stroza, a dan, naraz, podworowe, targowe, mostne, a castrorum edificio seu poncium quorumlibet, a recepcione vel custodia aut conductu castorariorum, a custodia et solucione erodiorum quod sokol dicitur, a vicinia quod opole vulgariter nuncupatur, ab omni exactione sive colleccione, a vecturis et expedicionibus, et ab omnibus iuribus in Polonia constitutis, quibuscunque censeantur nominibus. Nulli ergo iudicum aut castellanorum scitandi seu iudicandi in prefatis hominibus vel villis eorum ius aliquod reservans. Verum, quia temporis antiquitas res que servando servari nequeunt non sinit statu persistere in eodem, verendumque foret ne, predicto privilegio proavi nostri nimia vetustate consumpto, in posterum iam dicte domui preiudicium generaretur, nos ergo progenitorum nostrorum devocionem pio affectu prosequentes, premissas hereditates cum hominibus ac libertatibus super scriptis confirmamus, in nostram preterea defensionem suscipientes hereditates per nobiles Polonie ipsis hereditario iure collatas, scilicet Skarbossewo, Marcinkowo, Iarossyno, Gorzyza, Zagorowo, Skokom, Oleszyno. Et ob remissionem nostrorum peccaminum absolvimus omnes homines in prefatis villis commorantes, asscripticios, liberos, ac mercenarios in curiis eorum servientes, ab omni iure Polonicali et a colleccione quod powolne (sic) dicitur. Contulimus eciam fratribus sepedictis aquam Wartam cum rivulis adiacentibus, a terminis antiqui castri usque in Dretino episcopi et in alia parte usque in Capayn, cum piscationibus, utilitatibus et castoribus iure hereditario possidendam. Ut autem hoc nostrum factum in honorem Dei sancteque genitricis eiusdem semperque virginis Marie ratum inviolabiliter observetur, presentem cedulam sigilli nostri munimine duximus roborandam, ita videlicet, ut si, quod absit, aliquis posterorum nostrorum vel eciam alienorum huic nostro facto ausu temerario contraire presumpserit, indignacionem Dei omnipotentis nec non beatorum apostolorum Petri et Pauli atque omnium Sanctorum se noverit incursurum. Actum in Sechowa anno Domini M.CC.LXI, quarto Idus Decembris. Adest et fidelium testium astipulacio: Iohannes Dei gracia archiepiscopus Gnezdnensis, Iohannes cancellarius, Erkenboldus Gnezdnensis palatinus, Simon castellanus Gnezdnensis, Matheus Landensis castellanus, Matheus noster notarius, qui et presentem cedulam sigillavit.
  5. Landensis, de Ląd. Koscol, Kościół św. Mikołaja, miejsce, na którem późniéj stanęło. m. Lądek. Dolan, Dolany. Moscho, w Nr. 10 Morsk, Mokra, osada znikła p. m. Kazimierz, lub też Mokre p. m. Rychwał. Cloba, Kłobia. Gocszene, jak się późniéj okazuje Choceń. Szethowo, Szetlewo. Coci, t.j. Villa coquorum, Kuchary Kościelne. Rzgowo, Rzgów. Sanctuarii, t.j. Villa Sanctuariorum, Świątniki. Stabularii, może znikła osada Obory. Grabienice, Grabienice. Camerarii, może znikła osada Komorniki. Slavsko, Sławsk. Piscatores, może osobna, znikła osada Rybitwy. Wiramowo, Kwaskowo, nie odgadnione. Chozen, Chorzeń. Staralanka, Swiniarowo, nie odgadnione. Seradz, Sieradz. Wladislav, Władysławów. Glev, pewnie Galewo. Thur, Tury. Sobotka, Sobotka, Skarbossewo, Skarboszewo. Marcinkowo, późniéj zmienione na Kowalewo. Iarossyno, Jaroszyn. Gorzyza, Gorka. Zagorowo, Zagurów. Skokom, Skokum. Oleszyno, pewnie Oleśnica. Antiquum castrum, stało obok klasztoru Ląd. Dretino episcopi, Drążyn. Capayn, Kopojno. Sechowa, Czechowo, lub też Szetlewo.