Traces in the Sand

Document 13 · Decree

13 October 1399

Ląd

Kodeks Dyplomatyczny Wielkopolski, vol. 3, no. 2014

Archbishop Dobrogost of Gniezno decides the dispute between the abbey of Ląd and Jan, parish priest of Trąbczyn: the sheaf tithe of the fields of the village of Trąbczyn belongs to the abbey. In the stone room of the abbey of Ląd, 13 October 1399. Kodeks Dyplomatyczny Wielkopolski III, no. 2014, from the Liber privilegiorum of Ląd.

One line per manuscript line, with broken words hyphenated and stray break marks removed. Editorial decisions are set out in About the edition.

From the electronic text of a printed edition: there is no page image.

The whole entry of the printed edition, one paragraph to each numbered line.
  1. Dokument Nr 2014
  2. Dobrogostius s. Gneznens. ecclesie archiepiscopus 1399 Oct. 13, in stuba murata monasterii Landensis; decimam manipularem de villa Trąbczyn, monasterio Ląd contra petitionem Iohannis plebani de Trąbczyn adiudicat.
  3. Włocławek. Lib. privilegior. monasterii Ląd, pag. 181.
  4. In nomine Domini amen. Nos Dobrogostius divina et apostolice Sedis gratia sancte Gneznensis ecclesie archiepiscopus, notum facimus quibus expedit universis presencium notitiam habituris, quod cum inter venerabilem virum dominum Gerardum abbatem totumque conventum monasterii Landensis Ordinis Cisterciensis nostre Gnesnensis diocesis, actores, ab una, et discretum virum Iohannem rectorem ecclesie in Trapczyno, reum, parte ab altera, de et super decima manipulari campestri ibidem in Trambczyno exorta fuisset coram nobis materia questionis: nos igitur predictis partibus coram nobis personaliter comparentibus, auditisque ipsarum partium propositis et inductis probationibus quibus partes predicte uti solebant, communicato iuris peritorum consilio et de ipsarum parcium consensu, voluntate et assensu, simpliciter et de plano, sine strepitu et figura iudicii amputatis omnium litium anfractibus, Christi nomine invocato, ipsum solum pre oculis habentes et eum metuentes, pro tribunali sedentes per hanc nostram sententiam definitivam pronunciamus, decernimus et declaramus in his scriptis: decimam manipularem campestrem in Trambczyno, ad dominum abbatem Gerardum et conventum predictum pertinuisse et pertinere, spectasse et spectare, Iohannique plebano de Trambczyno predicto, super eadem decima perpetuum silentium imponentes. In cuius rei testimonium et evidentiam pleniorem, presentem nostram sentenciam per Iohannem, notarium publicum nostrumque et cause huiusmodi scribam, scribi et publicari nostrique sigilli appensione iussimus communiri. Actum et datum anno Domini M.CCC.XCIX, Indictione septima, pontificatus sanctissimi in Christo patris et domini, domini Bonifacii digna Dei providentia Pape noni anno decimo, die Lune tredecima mensis Octobris, in stuba murata monasterii Landensis, presentibus honorabilibus viris, dominis Nicolao Strozberg preposito, Iaroslao archidiacono Gneznensis, et Matthia rectore de Blandowo ecclesiarum, testibus ad premissa.
  5. Et ego Iohannes Alberti de Wielathow clericus Gneznensis diocesis, publicus imperiali autoritate notarius ipsiusque reverendissimi patris domini archiepiscopi et cause huiusmodi scriba, quia omnibus et singulis premissis, dum sic ut premittitur (agebantur), una cum prenominatis testibus presens fui eaque omnia et singula sic fieri vidi et audivi, meque, aliis arduis occupato negotiis, per alium fidelem notarium scribi feci et in hanc publicam formam redigi, de mandatoque dicti domini archiepiscopi cum sui appensione sigilli me hinc subscripsi, signoque et nomine meis solitis consignavi in fidem et testimonium premissorum.
  6. Landensis, de Ląd. Trambczyno, Trąbczyn. Blandowo, Błędów. Wielathow, Wielatowo.